هو مش تاج واحد
تقريباً كده خمس تاجات في بعض
اشوف فيكي يوم يا
يلا مع المدبحه بقي
ادعولي
اسم مدونتك؟
عازف علي وتر مقطوع
فارس الرومانسيه
لماذا اخترته..وماهي نيتك من وراء اختياره؟
النيك نيم بتاعي ProiD
معناه
Professional in Design
Pro i D
و عازف علي وتر مقطوع
عشان كتير بيبص علي الرومانسيه انها بقت مش موجوده
و كنت مسمي نفسي زمان فارس الرومانسيه
بس كده بقي
هل فكرت في إغلاق مدونتك؟..والسبب؟
هو انا لسه ابتديت عشان اقفلها
ده يا دوب مكملتش شهر لسه
و إن شاء الله عمري ما اقفلها
صورتك في المدونة..رمزيتها؟
النيك نيم بتاعي
صوره بحطها علي التصميمات بتاعي
لماذا دخلت عالم التدوين من الاساس؟
كان نشاطي قبل التدوين عالم المنتديات
حبيت يكون ليا حاجه لوحدي
فيها كل كتاباتي و افكاري و جديد حياتي
و اني اعرف رأي كل الناس في كلامي
و التدوين لي قاعده كبيره جداً من المدونين
استفيد منهم و من رأيهم و احاول افيد برضه
و في نفس الوقت الاقي كلماتي تاني عشان كانت بتضيع مني كتير بجد
احلى جمله قيلت لك فى وصف مدونتك؟
شاعر .. حساس
رغم اني لسه في البدايه
هاوي يعني
التعليقات بالنسبه لك ..اهميتها؟
بتحسسني إن كلامي ليه معني
و ان احساسي وصل
و بعرف منا رأي الناس في كلامي
و ده كان هدف رئيسي من اني اعمل مدونه
احلى بوست كتبته ...ضع اللينك ..ثم اذكر لماذا؟
انا لسه في بدايات التدوين
بس حالياً اكتر حاجه قريبه من قلبي
أفضل مدونة قرأتها؟
هما كتير بجد
و كل اللي في بلوجات شدتني
اكيد شدوني يعني
أفضل بوست قرأته؟ وضع لينكه؟
كتير برضه
حسيت بي قوي و خلاني ارتجل كلمات حسيت انها مش محتاجه تعديل
حد قل ادبه فى التعليق..ايه رد فعلك؟
هي لسه الحمد لله محصلتش
و لو حصلت ده دليل علي انه شخص غير محترم
و احترامي لنفسي و للأخرين مش هيخلني ارد عليه
أسوأ مدونة؟
لسه مقبلتهاش
أسوأ بوست..أسوأ مدون؟
يعني مفيش أسوأ مدونه
هيبقي في أسوأ بوست و أسوأ مدون
ايه الأسئله دي يا ربي
ده كان الجزء الأول من المغسله
فاصل و نعود
*****************
ماشي يا شيماء
كله سلف و دين
حتي المشي ع الرجلين
ليكي يوم إن شاء الله
******************
عدنا
هيحصل ايه لإيميلك لما تموت ؟
ما يحصل اللي يحصل
بس احتمال اوصي انه حد يدخل عليه و يبلغ الناس
و يغير النيك نيم يبقي
الموت علينا حق
اديت الباسوورد لحد قبل كده؟
اه
للإنسانه اللي بحبها
بس غيرته تاني يعني
كانت إيه طبيعة علاقتك بيه؟
ما قولنا اللي بحبها
هو فيلم بقي
ايه الأسئله دي
اسمك؟
رامي سيد محمد التوني
المشهور بيه وسط اصحابك؟ا
رامي برضه يعني
اصله اسم متدلع جاهز بعيد عنكم بقي
هيدلعوني يقولولي ايه يعني
يا عيني عليا و علي بختي
ههههههههههههههههه
عمرك؟
26
برجك؟
العذراء و الشعر الأبيض
و بلاش تريقه
ها
قولنا بلاش تريقه بقي
مجال دراستك؟
هندسه
قسم ميكانيكا
شعبة
هندسه صناعيه و إنتاج و تصميم
و الحمد لله خلصت من زمان
و شغال في وكالة إعلان
مصمم اتوكاد و ساعات جرافيك
شخصيتك نوعها إيه؟
العبد الفقير لله
إنسان بسيط إلي حد ما
رومانسي زياده عن اللزوم
بحب الغموض
يعني مش اي حد يعرف عني اي حاجه بسهوله
و مش بعرف اتكلم عن نفسي كتير
بس كفايه كده بقي
السفر بالنسبة لك؟
بعشقه و الحمد لله شغلي كله سفر
بلف مصر شرق و غرب .. شمال و جنوب
المود بتاعك؟
ايه السؤال العجيب ده
مود يعني حاله
و الواحد موده بيتغير كل شويه علي حسب حالته النفسيه
وقت فراغك بتعمل فيه إيه؟
نت .. محاولات فاشله للكتابه
دندنه يمكن اعرف الحن حاجه جديده
اوقات خروج
الاكلة المفضلة؟
البطاطس بجميع انواعها
و المكرونه بالباشاميل
الحلويات بقي
الشيكولاته طبعا هي و الأيس كريم
الصفات اللي أخدتها من بابا؟
فن الإداره و الهندسه طبعاً
الثقه في النفس و الحمد لله
الصفات اللي أخدتها من ماما؟
الحنيه
ربنا يرحمها هي و كل اموات المسلمين يا رب
اكتر ست حاجات بكرهها؟
الكدب
الخيانه
الامبلاه
السلبيه
الظلم
الفشل
اكتر ست حاجات بحبها؟
الحب
الصداقه الحقيقيه
البحر
السماء
المطر
الشروق و الغروب
الشغل بالنسبة لك؟
مسئوليه
الانترنت بالنسبه لك؟
عالمي الخاص
ده كان الجزء التاني من المدبح
فاص و نعود
*******************
صديقي أين أنت
في هذا العالم الغدار
في عالم ليس به
للصداقه إعتبار
مللت كثرة السؤال
حتي عقلي إحتار
أم لم تخلق
و سيظل العالم يرد بالإعتذار
*********************
عدنا
هل كنت طالب شاطر فى المدرسة ؟
الحمد لله و كنت بطلع الأول علي الإداره
مش المدرسه بس يعني
إيه أكتر مادة حبيتها في المدرسة والكلية؟
في المدرسه الرياضيات و الفيزياء و الأحياء
في الكليه التصميم و إدراة المشروعات
كنت عايز تطلع إيه وأنت صغنن؟
دكتور
عشان احاول اوصل لعلاج للمرض
اللي كان السبب في وفاة والدتي الله يرحمها هي و كل اموات المسلمين
ده كان الجزء التالت من السلخانه
فاصل للمره التالته
و احتمال نعود
*************************
يعني خلاص مات الأمل
و عمر حلمي ما أكتمل
جربت احلم بالحنان
جربت فيه كل السبل
كانت النتيجه إني انكسرت
و شربت من كاس الفشل
**************************
عدنا .. بس غصب عني
لما نشوف اخرتها بقي
SECTION 1 - Last 1s?
1. last beverage?
يتذكرون
قصدي ينسون
2.last phone call?
زميلي في الشغل
انا اللي متصل بيه كنت بسأله بكره اجازه ولا لاء
و مطلعش اجازه
اهئ اهئ اهئ
3.last instant message?
سلام عشان هصلي الفجر
ربنا يتقبل إن شاء الله
4. last cd played?
Troy
براد بيت
و لسه مكملتش الفيلم
5. last time you cried?
اول امبارح
لما والدي بكي قدامي من الم العمليه اللي عملها
هي عملية قلب مفتوح
و الحمد لله والدي بقي احسن
و هيخرج إن شاء الله الخميس
6.last text message?
رساله ترحيب من فودافون
عشان جبت خط جديد
هع هع هع هع
...........
Section 2 - Have You Evers
1. dated someone twice?
عادي يعني
و اكتر من مرتين
هو بقي غلط ولا اي
حد يفهمنا يا جماعه
2. been cheated on?
اي نعم
حصل
اتخانت سواء في الحب او في الصحوبيا
ربنا يسامحهم بقي
3. kissed someone & regretted it?
ابوس حد و اعتذرله اني بوسته
مش فاهم قصد حضرتك يعني
ايه الأسئله دي يا ربي
4. lost someone special?
أمي
5. been depressed?
ده انا عايش فيه
بس تقريباً هجبله هو اكتئاب قريب
ههههههههههههه
6. been drunk and threw up?
الحمد لله عمري
...............
Section 3 -
List 3 Favorite Colors
البلو بلاك
اي درجه من الأزرق
الأحمر
الأبيض
..............
Section 4 -
This month have you: Made a new friend?
الحمد لله
و من التدوين هنا
هيثم ابو عقرب حبيب قلبي
2. Fallen out of love?
ما انا عايش فيه لوحدي
لسه هقع تاني يعني
3. Laughed until you cried?
بقالي فتره كده ناسي يعني اي ضحك اساسا
تقريباً هو زعلان مني في حاجه مش عارف ايه بقي
4.Met someone who changed your life?
الحمد لله
ملهمتي
5. Found out who your true friends were?
الحمد لله
الشهر ده حلو قوي عليا اساساًَ
6. Is there something you want to tell someone?
متزعلش مني انا مخنوق اليومين دول قوي
7. Would you kiss anyone on your top friends?
اي الأسئله دي
ما كلنا بنبوس اصحابنا و احنا بنسلم عليهم
8. How many people on your top friends do you know in real life?
لو السؤال عن اصحابي اللي علي النت
فأكيد مش كلهم شوفتهم في الواقع
9. How many kids do you want to have?
كتيييييييييييييييييييير
إن شاء الله
مش اقل من نص دسته بعون الله
ربنا يقدرني بقي
10. Do you have any pets?
لاء
11. Do you wanna change your name?
كان نفسي اسمي يبقي محمد
بس قدر الله و ما شاء فعل
الحمد لله علي كل حال
12. What did you do for your last birthday?
ولا اي بتنجان
انا م بعمل عيد ميلاد اساسا
اخر مره كان عندي 10 سنين
13. What time did you wake up today?
6:30 am
14.What were you doing at midnight last night?
باكل رز مع الملايكه
15. Name something you CANNOT wait for?
اتجوز
احج
16. Last time you saw your father?
امبارح
عشان الزياره مش متاحه علي طول في المستشفي
يا رب يخرج بالسلامه يا رب
17. What is one thing you wish you could change about your life?
العصبيه
18.What are you listening to right now?
عمر خيرت
20. Have you ever talked about someone behind their back?
مفيش حد معملش كده
الا من رحم ربي
21.What’s the last piece of clothing you borrowed from anyone?
عمري
و عمري ما هعملها
مش ناقصه امراض
22.Who’s getting on your nerves right now?
المود الذي طلبته غير متاح مؤقتاً
23. Most visited webpage?
مدونتي
و المدونات اللي شدتني
و منتدي حلم
24. Coke or Pepsi?
مفيش شويبس ولا ايه
25. Mac or PC?
مش فاهم قصد حضرتك يعني
بس اكيد جهازي يعني
ده كان الجزء الرابع من المجزره
فاصل اجباري
و يا رب منعودش
************************
ازاي اخون .. او يوم يهون
حبك في قلبي
و ازاي اخون .. اجمل عيون
عاش فيها حبي
هو ممكن يوم اخونّي
او في يوم اني انسي كوني
بس اخونك مستحيل
او عليا في يوم تهوني
حبي صاينه م البدايه
انتي برضه عهدي صوني
**************************
اهئ اهئ اهئ
عدنااااااااااااااااااااا
انا شبه مين من القاده ؟
استر يا رب
ايه اكتر فيلم كلاسيكى بيعبر عنى
هو انا مشوفتش برضه الفيلم ده قبل كده
بس الكلام الحمد لله موجود فيا
الحمد لله خلصت
ربنا يجازي اللي كان السبب
so to whom i will send the tag ??????!
كل الناس بيجلها ضربة شمس
و انا اللي جالي ضربة تاجات
تحياتي
اليومية السادسة
