بسم الله الرحمن الرحيم
السلام عليكم و رحمة الله و بركاته
في البدايه انا بعتذر لكل الناس المحترمين اللي عرفتهم من المدونات
و اتمني انهم مش يزعلوا مني
انا هبطل تدوين من قبل ما ابتدي يا جماعه
اول ما ابتديت ادون عجبتني قوي الروح اللي شوفتها
و ان ناس مش تعرفني ولا اعرفهم يقولوا رأيهم في كلامي بمنتهي الصراحه
و انا كمان اشاركهم برأيي
لكن للأسف
اكتشفت ان في كتير منافقين
ناس بيردوا بمنتهي الأحترام
و حاطين في مدوناتهم آيات قرآنيه
و في نفس الوقت
بيردوا في مدونات أقل ما يقال عنها إنها مدونات جنسيه
و مبسوطين و بيسقفوا و يهللوا
و ايه الأبداع ده
و ياااااااااااااااااه مكناش نعرف المواضيع دي
و ايه الجرأه دي جبتها منين ولا جبتيها منين
في اختراع اسمه حياء
و تقريباً للأسف انقرض
و كان في مشروع اسمه قيم
و برضه تقريباً للأسف فشل
اللي دايقني بجد قوي
التظاهر بالتدين
فمعلش لكل شخص محترم بجد
مش هقدر افضل في الجو ده
ربنا يوفقكم و يحفظكم
و يا ريت تفتكروني بالخير و تدعولي
في رعاية الله
تحياتي
