مآساة و معاناة
*****
الأول شاف ذل بعمره من ناس كرهوه
أولها بناس عاشوا في حلمه و خانوه و خدعوه
بسببهم يفشل في حياته .. و لا يوم نفعوه
و تانيها بأصحاب السوء .. اخدوه و شدوه
و بأفكار مالهاش فايده في كاسات يسقوه
و اتاري العيب علي طول فيه و لا يوم كشفوه
علي طول يتلم علي البايظين و لا يوم نصفوه
ادعوله ربنا يهديه .. ده في صالح ابوه
*****
و التاني داخل بيصرخ و يقول ساعدوني
عايش مآساة سوف تؤرخ مع ناس قرفوني
امتي اخلص انا بقي منهم و لا يوم رحموني
مطلعتش مره في سنه صافي و المر سقوني
ادعولي ربنا يرحمني .. و دلوقتي سبوني
*****
التالت ده سبنا و روح ال ايه هينام
من يوم ما كتبنا ما هو نايم و لا عنده كلام
و بقينا تلاته كده احسن يا سلام يا سلام
*****
و الرابع داخل مغلول .. متغاظ جداً بيقول
سنه عشتها ويا بهايم عن فلحي أنا مش مسئول
قرفوني جداً وياهم .. فقعوني و بقيت مشلول
خلوني اصرخ و أقول عديها يا رب بمقبول
و ادعولنا و النبي يا جماعة مشاكلنا علي طول هتزول
__________
تحياتي
