تاجين في يوم واحد

تاجين في يوم واحد

ربنا يسامحكم يا رب

يلا خليها علينا بقي

التاج الأول

حدوته مصريه و ناريوما اللي مرروه ليا

ايه الهواية اللي لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها؟؟

اكيد يعني لما بيجي الوحي

هع هع هع هع هع هع

اقصد لما بعيش حاله سواء مريت بيها أو حاولت اعشها عشان اكتب شعر أو نثر أو اغنيه

التاج بتاعك سهل يا حدوته

الكارثه في التاج التاني بقي
اللي مرره ليا صاحبي الأنتيم سيف العاشق
خمس حاجات محدش يعرفها عنى

انت مؤذي يا سيف علي فكره

مشكلتي اني صريح و في ناس بتزعل من الصراحه

بس هحاول اهو

انا عارف ان معظمهم عيوب و بحاول اصلحهم و الله

الحاجه الأولي

مش بحب حد ينتقدني مهما كان قريب مني

الحاجه التانيه

لو قولت رأي غلط و انا عارف و متأكد انه غلط بس لظروف ما قولته بدافع عنه و بقنع اللي قدامي بأي وسيله ان هو ده الصح

الحاجه التالته

بحب الظهور .. يعني اني اكون القائد مش المنقاد .. و اني اكون المتحكم في الأمور

الحاجه الرابعه

انا طفل صغير .. ممكن يضحك عليه بكلمتين حلوين .. و اسامح مهما حصل فيا

الحاجه الخامسه

عمري في حياتي ما كنت راضي عن نفسي .. ديماً شايف اني لازم ابقي احسن و احسن

ربنا يسامحك يا سيف

و همرر التاجين بقي من نفسي

وايت انجل
سيف العاشق

ناريوما
قصاقيص مشاعر
حدوته مصريه

و محدش يهرب مش معني ان حدوته و سيف هما اللي مرروا ليا التاج انهم مش يجابوا

لاء

في تاج تاني لكل واحد فيهم

ما هم تاجين اتنين في واحد

تحياتي