وحشتوني كلكم
يا رب تكونوا كلكم كويسين
رجعتلكم بفكره جوانا كلنا
كلنا بنحلم
احلام كتير قوي
حب .. حنان .. حريه .. سياسه .. فلوس
و اكتر من كده بكتير
انا واحد منكم
و اكيد في في احلامي احلام بتحلموا بيها
و برضه هحاول اعبر عن غيري
هتكلم بحريه و اقول علي اللي في نفسي
و يا رب اسلوبي يعجبكم
********
اول حاجة هتكلم فيها الحب
معلش لسه الرومانسية سايبه فيا شوية حاجات
بس حب عن حب يفرق
تعالوا نشوف انا شوفت الحب من كذا واحد ازاي
********
اولنا يتمني حبيبته و لا في الأحلام
بريئه حلوه رومانسيه اخلاقها تمام
نحلم و نرسم احلامنا مش بالأوهام
نفضل نحب بروح شابه مش بس كلام
جريئه افكارها قويه .. باصه لقدام
بتقرا في ايه انت و هي ده كلام افلام
و اسمه تانينا بقي يا عنيا انا عايز انام
--------
و تانينا نفسه في بنوته
جمالها ده يكون حدوته
مش هارغي كتير زي الأول
انا هكتب في سطور محدوده
عايز ادبها يكون عالي
في عنيها حبي يكون غالي
بعنيه ابعت مرسالي
تفهم و تقرا اللي في بالي
خلاص زهقت مين التالي
--------
و تالتنا يدخل و يقول
عايزها اخلاقها عظيمه
وشها في الأرض علي طول
و جمالها ده عليه القيمه
و انا عندي الآن اكلة فول
مستنيها بقالي سنين
و التالي رومانسي و مشهور
سدوا ودانكوا يا مستمعين
--------
و الرابع داخل متضايق
ال سدوا ودانكوا يا مستمعين
دنا واد حبيب قوي مش عاتق
و الناس دول مش حسين
حبيت بت من الحته
دنا واد من صغري و انا خطير
بيقولوا الناس حبيت سته
لكن هما اكتر بكتير
و سلام بقي كده و كفايه
علشان في شوية مشواير
********
يا رب الفكره تعجبكم
تحياتي المعطرة بالحب
56 التعليقات:
جميلة جدا الحتة دي والفكرة نفسها جامدة بس انت قلت اربعه بس ليه دول كتير قوى مستنيك تكملهم
تحياتى ..،
تشي الحزين
ادعوك لزياره مدونتي والاطلاع علي قصيدتي الجديه مبارك يا من ذا الذي في مصر الجديده
شكرا
لا حلوه بجد
ميرسيه على زيارة مدونتى والتعلق كمان بس ما تقطعش لزياره بقى
بجد الفكرة جميلة
بس التلاتة الأولانيين
اجتمعوا ع الأدب و الخجل و البارءة بشكل عام
مش عارفة؟؟.. منين يلاقي شاب بنوتة بريئة خجولة و هو عارف ان ما فيش شاب ما اتصاحبش على اتنين و تلاتة و أربعة!!!
وبرضه مقتنع انه حيلاقي الخجولة البريئة
أنا ما أقنعنيش الى حد ما غير الأخير
وده ما يمنعش ان الفكرة عجبتني لإن كل ما يدعو للتفكير و استفزاز الرد أكيد هو كلام قوي
السلام عليكم
بجد يا فندم والله
خبر جميل جدا
شفت الكومنت بتاع حضرتك ومصدقتش
نورت عالم التدوين
حقراها وراجعة تانى
سلاماتي
يا أحلاماتك ;)
الأول: واقعي + رومانسي
التاني: بيحب الجمال
التالت: الأخلاق
الرابع: فاكر نفسه حبيب بس هو ولا حاجة
هههههه
جميلة :):):)
بس طبعاً الأول يكسب...ودة على حد فهمي المتواضع طبعاً
فكرة هايلة..مستنية الأفكارات الباقيات ;)
welcome back
:)
نوني
يااااااااااااااه ييا برويد ايه الغيبة دي يافندم وايه التاخير ده على العموم فكرة جميلة وكلماتك في الجون ياباشا وربنا يوفقك وتكمل ومش تتاخر عليا وكل سنة وانت طيبة
جامد قوى يارامى
ومستنينك تكملهم بقا
وعاوزك تطل علينا كدا
اخيرا نورت عالم التدوين من تاني
بص يابنى
اكدب عليك؟
لا مش هكدب
انا بحب كتابتك للشعر الفصحى قوى
مش عارفه ليه ارتبطت معايا كده
الفكرة جامده جدا
بس تعرف تقولبها فى قصة
بعيد عن الوزن والسجع الموسيقى؟
تبقى بجد قشطه يا صديقى
بس سلسلة واحد منكم
يا اختياراتك
بجد اختيار الاسم رائئئئئئئئئئئئئئئئئئع
تحياتى يا صديقى
ومعنتش تقفل المدونة تانى
:)
كل سنة وانت طيب
حمدا لله عالسلامة يابرويد وربنا يوفقك احنا مستنيين اهه ودايما يبقى فى جديد
Che The Sad
نورت المتواضعه مدونتي يا جميل
و ربنا يسهل هبقي اكملهم
و الحمد لله إن الفوكيره عجبتك
تحياتي
sendrlla
ميرسي علي ذوقك و نورتي المدونه
تحياتي
nourhetler
أطلعت و رديت
تحياتي
Hannoda
ما احنا قولنا هنشوف من كذا منظور
و علي قد ما بقدر بحاول
و الحمد لله إن الفكره خليتك تردي
طمنتيني علي نفسي
ميرسي ليكي كتير
تحياتي
Noony
ميرسي يا نوني
و حاجه بيني و بينك كده
انا الأول
هع هع هع
تحياتي
mesh2dra
ربنا يخليكي
و مستنيكي من تاني
تحياتي يا فندم
قلوب حائرة
معلش و الله كانت شوية ظروف كده
ميرسي علي كلامك الرقيق
و نورتيني من تاني
تحياتي
tota
ربنا يخليكي يا توتا
ميرسي كتير ليكي
تحياتي
مواطن زهقان
تسلم يا حبي
نورتني
تحياتي
شيماء الجيزى
صديقتي
نورتي يا قمر
بصي بقي انت ثولتي ان الأسم اختيار موفق
اللي هو واحد منكم
عمرك شوفتي واحد مننا بيكلم الباقين باللغه العربيه الفصحي
اكيد لاء
عشان كده السلسله كلها هتبقي بالعامية
اللغه الدارجه يعني
و السجع الموسيقي هو اه موجود في السلسله دي عشان اخلي الكلام سهل و لذيذ و يعلق في الدماغ
انما في سلسله تانيه هعملها و هتبقي عاميه برضه بس كلام في كلام
نورتيني
تحياتي
bocycat
ربنا يخليكي يا رب
نورتيني
تحياتي
أفهم من كده إنك بتنفى وجود حاجة اسمها حب ؟؟
معلهش ؛ الفكرة جميلة وجريئة
لكن انا مختلفة معاك فى الراى
مش كل الناس عبارة عن اولنا وتانينا وتالتنا ورابعنا بس
فيه كتير جدا
انت بتعرف تعد لغاية كام ؟؟؟؟
تحياتى بنت النيل
ماشاء الله البلوج روعه واخر تدوينه فكرتها حلوه جدا
حلو انك تشوف وجهت نظر كذا حد وكل واحد شايف ان رأيه فى فتاه احلامه انه الرأى المثالى فى حين انه بيكون مجرد رأى
لا بجد الكلام حلو .... وفقت
وتحياتى
حلوة الفكرة اوى يا رامى
بجد جميله
هستنى الباقى
سلام
:))
جميلة المدونة
بس انا فى الاول افتكرت ان فيه حد اسمه "تانينا" و ماخدتش بالى غير عند "تالتنا
:)
تصدق انا بفكر اعمل نفس الفكرة بس بالمقلوب
مش معنا انتوا اللى تحددوا عايزين ايه احنا كمان من حقنا نحلم
:)
يلا كفاية رغى بأه انا صدعتك
سلامات
الفكرة حلوة اوي
وانا عن نفسي هستني بقاي الافكار اللي في كل الجوانب اللي احنا عايشينها
انا عايزاك تتغلب علي اي حاجةوترجع تكتب تاني زي رامي اللي عرفتوا
كل سنة وانت طيب يا رامي
كل سنة وانت طيب يابرويد عيد سعيد
تحياتي
دمها خفيف
كل سنة و انت طيب
كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره
تحياتى لكل عظيم وعظيمه
كل سنه وانت طيب
وعيد فطر سعيد عليك وعلى الامه الاسلاميه جميعا
و اللة الفكرة جميلة
و الخيال حلو
بس التنفيذ صعب جدا
السلام عليكم
حلوة
وف انتظار الباقي
كل سنة وحضرتك طيب
سلاماتي
السلام عليكم ورحمة الله وبركاته
اخيرا عدت الى ارض الوطن سالما؟؟
كنت فين يابنى
انا قلت قفل المدونة ولا باعها
كل سنة وانت طيب وعيد سعيد
=======================
بالنسبة للبوست
فهو جميل وفعلا فيه ناس كتير حوالينا نعرفها كده
بس انا عاجبنى جدا النوع اللى فى الاول
اول واحد بتاع الرومانسية دا والاحلام
متهيألى دا باصص للبنت من جواها ومن شخصيتها
انما بقى للى باصص للشكل دا ممكن تلفت نظره خمسين بنت واللى باصص للاخلاق هيلاقى مليون
انما اللى بيبص للروح بيبقى عاوزة واحدة بس ... هيتعب على ما يلاقيها بس مسيرهم لبعض
تحيااااتى
بوست حلو
:)
حلوه اوووي (:
بس كمل الباقي
كل سنة وانت طيب ويارب يكون كان عيد سعيد عليك
ايه يارامي فين الجديد ولا بتستخدم معنا عنصر الاثارة والتشويق
تحياتي يا ريس والله انت الوحشتنا جد ومش بشوفك عندي اتمني اشوفك قريب
تحياتى ليك
السلام عليكم ورحمة الله وبركاته
ازيك يا رامي ، فينك يا عم من زماااان
وحشتنا
كل سنة وانت طيب
جميله جدا كتاباتك كالعاده
ماتغيبش علينا تاني
سلاااام
would u plz visit my blog and participate in my poll
i really need ur opinion
with my best regards
داليا عز
انا منفتش ان في حاجه اسمها حب
علي النقيض تماماً
الحب اسمي و اجمل احساس اتخلق في الكون
و هو الفطرة اللي ربنا خلقنا عليها كلنا
و انا كنت بحاول اعبر عن دماغ ناس كتير مننا
و موصفات البنوته اللي نفسنا فيها
و اكيد مش هقدر اعبر عن كله بس انا بحاول
تحياتي
حراس الحقيقة
ربنا يخليك يا جميل
و الحمد لله إن الفكره عجبتك
تحياتي
shayma
ربنا يخليكي يا شيماء
نورتيني
تحياتي
sa'7so'7te
نورتني في مدونتي المتواضعه يا جميل
و عادي يعني نسمي اي حد تانينا ايه المشكله يعني
انت تؤمر يا جميل
و فكرتك حلوه قوي
ايوه يا عم مش هتلاحق بقي كله هيهجم عليك عايزك تعبر عنه
و صداع ايه انا رغاي بالفطره مش واخد بالك و لا ايه
المهم متصدعش انت
تحياتي
smraa alnil
انوج صديقتي الغاليه
ربنا يخليكي يا قمر
و الحمد لله إن الفكره عجبتك
و متقلقيش عليا انا نحست خلاص
و كل سنه و انتي طيبه يا انوج
تحياتي
توتة توتة
ربنا يكرمك
و انتي طيبه
تحياتي
أيامنا الحلوة
و انتي طيبه و ربنا يسعد ايامك
تحياتي
nourhetler
و انت طيب يا جميل
و إن شاء الله نصلي سوا في القدس
تحياتي
كفراوى
ميرسي يا جميل
و كل حاجه بقت صعبه مش الأحلام بس يعني
نورتني
تحياتي
عالمى ازرق
و انتي طيبه
نورتيني
تحياتي
mesh2dra
و انتي طيبه يا قمر
ميرسي كتير ليكي و الحمد لله إن فكرتي عجبتك
تحياتي
Hadota .. حدوتة
ربنا يكرمك
و اديني رجعت علي قلوبكم و عقولكم اهو
لما نشوف اخرتها بقي
و تحليلك جامد بجد
تسلم دماغك
تحياتي
esraa
ربنا يخليكي
و كل سنه و انتي طيبه
تحياتي
truelove
الجديد نزل اهو و شوية شطه بقي معلش
هع هع هع
تحياتي
nourhetler
ربنا يكرمك يا جميل
انا جااااااااااااااااااي
فرافيرووووووووووووووووو
تحياتي
خمسة فضفضة
و عليكم السلام و رحمة الله و بركاته
انا الحمد لله تمام
يا رب انتي تكوني بخير إن شاء الله
و كل سنه و انتي طيبه يا دكاتره
و اديني اهو موجود متقلقيش
تحياتي
simple girl.. ..simple dream
نورتي مدونتي المتواضعه
و جيت و شاركت في الإستفتاء عندك
صوت يعني
متخافيش مصوتش عليكي
ههههههههههههههه
تحياتي
إرسال تعليق